निमिषा प्रिया प्रकरण: येमेनमध्ये भारतीय परिचारिकेची मृत्युदंडाची शिक्षा कायम
माझा आवाज वृत्त सेवा
मुंबई, 31 डिसेंबर 2024
भारतीय परिचारिका निमिषा प्रिया यांना येमेनमधील सर्वोच्च न्यायालय आणि राष्ट्राध्यक्ष राशद अल-अलीमी यांनी दिलेल्या मृत्युदंडाच्या शिक्षेची पुष्टी केली आहे. 2017 पासून तुरुंगात असलेल्या निमिषा प्रिया यांना एका यमनी नागरिकाच्या हत्येप्रकरणी दोषी ठरवले गेले होते. या शिक्षेची अंमलबजावणी एका महिन्याच्या आत होईल, असे माध्यमांतील अहवालांवरून समजते.
भारत सरकारने या प्रकरणावर प्रतिक्रिया देत प्रिया यांच्या कुटुंबाला सर्वतोपरी मदत दिली जात असल्याचे स्पष्ट केले आहे. परराष्ट्र मंत्रालयाचे प्रवक्ते रंधीर जायस्वाल यांनी आजच्या निवेदनात म्हटले आहे की, “प्रिया यांच्या कुटुंबीयांकडून आवश्यक पर्याय शोधले जात आहेत. सरकार त्यांना आवश्यक ती मदत पुरवत आहे.”
कुटुंबाचा संघर्ष आणि ब्लड मनी वाटाघाटी
केरळमधील पालक्कड येथील रहिवासी असलेल्या प्रिया यांच्या कुटुंबीयांनी त्यांना वाचवण्यासाठी अनेक प्रयत्न केले आहेत. प्रिया यांच्या आई, प्रेम कुमारी, यमनमधील सना शहरात राहून पीडिताच्या कुटुंबाशी ब्लड मनीच्या वाटाघाटी करत आहेत. मात्र, भारत सरकारने नियुक्त केलेल्या वकिलाने आधीच $20,000 ची रक्कम मागितली असून ही प्रक्रिया अधिक गुंतागुंतीची झाली आहे.
प्रकरणाचा इतिहास
निमिषा प्रिया यांना येमेनमधील सना येथे त्यांच्या क्लिनिकच्या मालकीसाठी मदत करणाऱ्या तलाल अब्दो महदीची हत्या केल्याचा आरोप आहे. प्रिया यांच्या वतीने करण्यात आलेल्या याचिकेत म्हटले आहे की, महदी यांनी त्यांच्या व्यवसायाच्या नोंदीमध्ये फेरफार करून मालकी हक्क घेतला आणि त्यांच्यावर शारीरिक व मानसिक छळ केला. यमनमधील पोलिसांकडूनही मदतीऐवजी त्यांना अटक करण्यात आली होती.
सरकारकडून अधिक प्रयत्नांची अपेक्षा
निमिषा प्रिया यांना वाचवण्यासाठी, सरकारकडून पीडित कुटुंबाला ब्लड मनीसाठी आर्थिक मदत मिळवून देण्याचे प्रयत्न होणे आवश्यक आहे. “ब्लड मनी” देऊन पीडित कुटुंबाची माफी मिळाल्यास मृत्युदंडाची शिक्षा टाळता येऊ शकते.
‘माझा आवाज’साठी सतत अपडेट्स मिळवा
निमिषा प्रिया प्रकरणासारख्या जागतिक स्तरावरील महत्त्वाच्या बातम्या, महाराष्ट्रातील घडामोडी, आणि विविध क्षेत्रांतील ताज्या अपडेट्ससाठी ‘माझा आवाज’ न्यूज पोर्टलला फॉलो करा. आमच्या वेबसाइटला भेट द्या आणि सोशल मीडिया हँडल्सद्वारे कनेक्ट व्हा.
‘माझा आवाज’ – आवाज माझा विश्वास तुमचा!!
