महाराष्ट्र विधिमंडळ अधिवेशन २०२४: आमदार रोहित पाटील यांची पोलीस गृह कर्ज आणि बोरगाव टोल बंदची महत्त्वपूर्ण मागणी
नागपूर, २१ डिसेंबर २०२४
नागपूर येथे सुरू असलेल्या महाराष्ट्र विधिमंडळाच्या हिवाळी अधिवेशनात आज अनेक महत्त्वपूर्ण मुद्द्यांवर चर्चा झाली. आमदार रोहित पाटील यांनी महाराष्ट्र पोलिसांच्या गृहकर्ज अर्ज प्रलंबित प्रकरणाकडे शासनाचे लक्ष वेधले.
आमदार रोहित आर आर पाटील म्हणाले की, “DG होम लोन योजनेअंतर्गत महाराष्ट्रातील पोलिसांना कमी व्याजदरात गृहकर्ज उपलब्ध आहे. मात्र, अनेक अर्ज प्रलंबित असल्याने पोलिस आणि त्यांचे कुटुंबीय अडचणीत आहेत. शासनाने तातडीने यावर तोडगा काढून संबंधितांना दिलासा द्यावा.”
त्याचबरोबर, राष्ट्रीय महामार्ग प्राधिकरणाच्या नियमांचे उल्लंघन होत असल्याचा मुद्दा उपस्थित करत, सांगोला तालुक्यातील अंकढळ टोल नाका आणि कवठे महांकाळ तालुक्यातील बोरगाव टोल नाका यांच्यातील ६० किमीच्या नियमाचे पालन होत नसल्याचे त्यांनी अधोरेखित केले. “हा अंतराचा नियम पाळला गेला नाही तर जनतेवर अनावश्यक आर्थिक भार पडतो. त्यामुळे सरकारने यावर कारवाई करून बोरगाव टोल नाका बंद करावा,” अशी ठाम मागणी त्यांनी सभागृहात मांडली.
महत्त्वपूर्ण विषयांवरील सखोल चर्चा आणि ताज्या अपडेट्ससाठी ‘माझा आवाज’ न्यूज पोर्टलला जरूर भेट द्या. तसेच आमच्या इतर सोशल मीडिया हँडल्सला फॉलो करा.
